دڵت بردووم ژیانم پاکی گۆڕا
هەڵتواسی بە کەزیە و بەژنی شۆڕا
بەجێت هێشتووم لەنێو شین و شەپۆڕا
ئەزیزم بۆچی تۆراوی لەخۆڕا
چ قەوماوە دڵی تۆ بۆچی گۆڕا
کە تۆ ڕۆیشتی بۆ من هەر دەرد و غەمە
مەلی شادیم فڕی فرمێسکی چەمە
کەچی هیوام لە ژێر باری ستەمە
ئەتۆ وا زوو لە بیرت کردووم ئەمما
فەرامۆشت نەکەم شەرتە لە گۆڕا
وتی تۆ زیزی من کارم کراوە
لە ژێر باری خەفەت پشتم چەماوە
گلێنەی چاوەکانم ڕۆ ڕژاوە
لە من ڕا خۆ خەتایێ ڕووی نەداوە
ئەدی بێ مەیلی بۆچ ڕووی دا لە تۆ ڕا
by : @juanaa