گوڵەکەم شاری دڵم پاییزە لێی داوە بڕۆ
تۆ گەشی هەڵدەپڕووکێی مەیە ئەو ناوە بڕۆ

بولبولی بێکەسی دم پڕ لە هەرا جواب کە بڵێ
تۆ دەبێ هەر قەفەسی بی بەشە وا بڕاوە بڕۆ

هەموو کەس لێرە دەزانێ کە دنەی شێعری منی
لە هەموو بەزمێ ئەوینی من و تۆ قاوە بڕۆ

تۆ هەڵـۆی بەرزەفڕی شاری دڵم نزمە لەبۆت
بێ‌بەڵا بی گوڵەکەم کوا ئەوە جێی ڕاوە بڕۆ

هەر دەبێ ڕۆژێ بە ئازادی لەگەڵ یەک بدوێین
ئێستە دڵ وا بە تەمی وستەوە تاساوە بڕۆ

گەر دەترسی لەوە ئاسۆ خەمی تۆی دەرچێ لە دڵ
تا ئەبەد تەوقی وەفای تۆی لە ملا ماوە بڕۆ
by : @heresh.hosseini